skeppers van die fopnuus
wat joodse godsdiens infiltreer het
om judea te paai

die bedoeling
met die verhaal geplant
was om jode pro rome te draai
nie om 'n nuwe geloof te stig nie
maar om die ou geloof
onder die gesag van die
romeinse ryk te bring

maar die verhaal het die jode verdeel
en na die bar kokhba opstand
is uit die joodse godsdiens
christendom finaal ontlas

die romeinse ryk was nie gereed
vir die monster wat hulle geskep het nie
en het gereeld die ryk christene vervolg
want hoe sou dit lyk vir die volk
as die regering toelaat
dat 'n sekte nie die heidense beelde
van vergoddelikte ou keisers aanbid nie

totdat konstantyn
op die vooraand
van die geveg
wat hom onbetwisbaar
as keiser sou troon
biddend pleit vir 'n oorwinning
aan sy vader se heidense songod

sol invictus
gebore 25 desember

'n kruis in die lug sou sien

of was dit bloot
toe hy ontwaak
hoe die lig geval het
op sy soldaat
wat oor hom waghou
wanneer hy slaap
maar hoe sal ons weet
want selfs eusebius
wat dit neergeskryf het
vertel dis moeilik te glo
maar die keiser het "gesweer"
hy en sy manne het dit gesien
en ek glo
as keiser sê jy't kruis gesien
dan sal jy sê jy't kruis gesien

met hierdie woorde daarby

"met hierdie teken oorwin" *

* my eie vertaling
van 'n vertaling

daarna 'n visionêre droom
waarin christus verskyn
en konstantyn oortuig
om kruise
op die skilde
van sy soldate
aan te bring

'n kantelpunt

waar bygeloof
en geloof ontmoet

nou vir die verlossing
van die spanning

keiser konstantyn
het die stryd gewen

na 'n strategiese militêre fout
deur sy opponent
by die milviaanse brug
hoeveel anders
sou geloof vandag
gelyk het
as maxentius
veilig binne
die mure van rome
gebly het

en die keiser was bly
en die kruis het gebly
somme gemaak
en pragmaties besluit
om aan te sluit
by wat die ryk sou sukkel om te stuit
en by nicea
kom
keiser konstantyn en kerke
(kk en k)
byeen om
'n godsdiens te formaliseer
tot so te sê die waarheid

want as jy hemel toe wil gaan
moet jy seker maak
oor die belofte daarvan
as keiser van die ryk
verdien jy sekerlik
die reg om te kies
uit die menigte christendomme
van die dag
die dogma wat jy meeste smaak

non-toevallig

die een wat die ewige lewe beloof

tot waarheid te verhef
die ander verban
bestempel as dwaalleer
ontwortel en vervolg

so hoog het konstantyn
sy mag geag
dat hy god kon bind
in 'n aardse verdrag
om hom hemel toe te vat
op die pad wat hy

en die romeine

self gebou het

sommer net vir versekering
het hy homself laat doop *

* 'n ritueel wat die christendom
van die volgelinge
van die heidense mithras geërf
of liewer
geapproprieër het
so ook die wyn en brood

net voor sy dood

'n daad van desperasie
omdat hy die fopnuus
wat hy self help skep het
begin glo het

wat wys

ego
is die bron
van hemel en hel

wat ons bring by

die crux
van die verhaal

wat jy weet is waar hoef jy nie te glo nie

dit is
soos
dit is

wat jy glo
se waarheid
weet jy nie
dis wat jy
hoop is
soos
jy hoop
dit is