die alfa en die omega
is dieselfde ding

dis sonde om god te betwyfel
al die bewyse is in die bybel
en die bybel is waar
want dis god se woord
die bybel self stel dit so
vat die woord se woord

piet byleveld sê in sarie
hy weet wanneer iemand
vir hom lieg
is wanneer hy hoor
"ek is 'n christen
jy moet my glo"

en in my kop
hoor ek bacchus nel
wat sing

die begin is die einde
en die einde die begin