wie roep god voor die voet op
vir die pad na sy loon
wie ken god so goed
wie kan god woord vir woord verwoord

praat god terug
of is god bloot die eggo
in die kop

uit die mond
van die prediker
woorde so soet
dat dit stadia vol pak
met betalende gaste
wat 'n tikkie wil

nader my god by u

om god te hoor

in die prediker se stem

uit wie se pen
vloei die preek
met die nuwe nuus
van wat god vandag als sê

om te kan preek
moet jy glo
in jouself
oortuig lyk
oor wat jy gesels
al maak jy dit op
want wie anders was daar
om te weerlê
dat god al die goed vir jou sê

wat kom eerste

die prediker

die god

of die sonde

het god sonde geskep
maar die predikers god

wees eerlik en vra jouself af
wie de hel gee werklik om
wat die mens op aarde doen

god
of die mensdom

as jy eers jou antwoord het
volg die besef
sonde is heeltemal te lonend
om sommer so prys te gee

vergifnis
teen 'n fooitjie

vir die mens
om sonde te los
uit die skepping
van god