die woord se werf is wyd
en die bruilof groot
verder versprei
as die heer
se genade

soos water
in 'n sondvloed
elke krakie ingesypel
dat selfs die klippe geverfde verse uitroep
in krugersdorp
dat geen mens verlore mag gaan
sonder om te weet
van god se goed
wat jou met hel beboet

en dis reg
dat jy sleg voel
jy wat wil korrigeer
wat mense glo
want wie is die ware doos
satan en sy bedenklike bestaan
of jy wat ouma
op haar oudag
die twyfel injaag