die mensdom misbruik god
om sy aakligste kant te regverdig
en hom van die bose te verlos
wat hy die heidene aandoen

die mensdom misbruik godsdiens
vir die illusie van moraliteit
die rooi lap van die matador
wat die oog weglei van werklikheid

die mensdom pak sy skuld
op die skouers van god
onthef van verantwoordelikheid

dié wat aan god behoort
se sondes hoort
in die skoot van god

as jy god was
hoe sou jy like
mens bemoei jou heeldag
met sy heel swaarste las
en die goed in die kas