as jy twee by twee wil tel
met slegs 'n fraksie van 'n syfer
tot jou beskikking
is jou som maar vol gate
om met kreatiwiteit te vul
en jou standpunt

net soos dogma

'n onbewysbare hipotese

die lewe gun jou n tikkie tyd
om wyer uit te kyk
feite te versamel
tot jy eendag met al daai kennis in jou kop
in elk geval beswyk

aan als gelyk

reg of verkeerd
die lewe en die dood is wreed
aan waarheid gemeet

of sal al ons uitgevonde feite
steeds bly staan
sonder wesens wat weet