om te dink daar's 'n skeidslyn
tussen natuur en dan jy
is om aan godheid te ly
en jouself te misken

al verbrand die velde
woude ontbos
verdor die aarde
natuur bly blos
hetsy woestyn of moeras

mens is natuur
al rebelleer hy daarteen
met tegnologie
van geboue en steen
bly mens maar mier
alhoewel merkbaar modern

waar mens skei van mier

hoe meer mier
hoe mooier natuur

teenoor die mens
in staat
om homself te ontdoen

natuur sal floreer
met of sonder mens darwin
die antieke mier sal weer oorwin
alles vroeër deur mense bewoon

en god?
waaroor sal god dan besin?
sal god saam met die mensdom verdwyn?
of sal god bly om na die mier om te sien?