behalwe vir ons
ons diere
aliens

en god

wie weet werklik
ons is hier

watter koedoe
in die krugerwildtuin
kyk na die kar
en sien die kind
op die agtersitplek
se pyn

sal jou kat op die bank
aan jou vleis begin knaag
na jou eensame dood
aan 'n hartaanval op die mat
langs verleppende viooltjies
in voorkamer omdat jy
gegewe jou morsdooie toestand
haar ophou voer het

is daar iemand
wat jou sien
soos jy jou sien

die volkome ek
is ongeken
alleen

'n fragment van 'n mens
word weer gebore
as 'n stem sy naam sê

die ons
wat word
omdat ons
saam is

mekaar herken

is

buiten ons

al wat ons het

aan wie ons
ons lot
kan besing

so ongelooflik eensaam
is die agt punt something miljard van

ons