het voedsel vrylik weggegee
almal laat drink by die dinee
arm mense gratis genees
na die kop op die munt gewys
en gesê

gee die keiser
wat hom toekom

maar jesus was 'n volksheld
vir 'n groep in die veld
opgestaan vir vryheid
teen die romeinse ryk
jesus het die kerk ontstig
die tempelpriester afgepis
oorhandig aan pilatus
wat geen fout kon vind
met die joodse kind
selfs hand in water gesteek
om jesus se bloed
van hom af te was

dit was die priesters
se skuld
dat jesus sterf

dis nou as jy die woord
van die romeine vat
wat geskiedenis gewen het
daai jare
met die joodse skrifgeleerdes
oppie payroll
tydens die geboorte
van die nuwe testament
so asseblief
reserve your judgment

jesus vra geen toegangsfooi
by die hemel se hekke

dog vorder kerk kollekte
om jesus naam in

kerk is besigheid

jesus sê naasteliefde

kapitalis profiteer ten alle koste

kerk en geld
het goed versmelt

jesus sê draai die ander wang

toe gebeur kruistogte

liewer hulle
na hom geluister het

geloofsbesigheid
borduur jesus
se gesig
op mammon
se doek

mammoniete het
'n jesusbaadjie aangetrek
wat gemaklik pas
verwarring veroorsaak
dat mens gerus maar kan vra
by elke daad onder loep:

is dit jesus of mammon
wat bak aan die koek