ons
is
almal
is
ons

dom of slim

ons is een ding

tussen alle dinge

ons verskil

dog glad nie

denkbeelde
wat ons skei

oor eeue heen

argeoloë skryf
mens
en sy vyand
as een spesie op

kry ons
ons sin
is ons
soos ons
ons sien
meer
as wat ons is
al is dit onsin
verpond die ons
hier onder ons

daar is van ons
wat grense van ons-wees
wil inperk
en terselfdetyd oorskry
direk in teenstand
met natuur
'n bo-natuur oproep
om saam met almal
wat dit ook so insien
nou met die hulp van god

uit ons

'n superras verkies
homself verwyder

uit die hele wêreld

na 'n mens-orania

dan is ons
nie meer ons nie
dan's ons

kommuniste en nazis

al weet almal
dis nie wie ons is nie
geen mens

is net links of regs

nie

almal het vriende

aan die anderkant

dis meer soos 'n spektrum

dink ek soos hy's slightly fahreit
hy's overall good net dodgy oppie edges
selfs nice soms die here weet
dit is jy weet presies

wie ons is

eendag
is ons almal saam
in die graf
gelykgemaak
verskille opgelos
gesamentlik ontbind
in stukkies
alles tesame
weer
een ding
soos ons nog altyd was
ten spyte die delusies
aangegryp op afdraaipaaie
na gode
wat poog
om die my
van die heiden
te skei