as god bestaan
glo ek
glo ek god
glo ek god sal doen
net wat god wil doen

sit ek my in god se skoen
glo ek god is fine
met mens sal lewe
mens sal sterwe
en alles is goed
soos dit is

god se ware
en enigste
belofte aan ons
is lewe

dis besig
om te gebeur

nou

met ons albei
gelyk
al verskil
ons tyd

alles daarna
onuitpluisbare vrae
vanwee ons beperkte blik
op hoe alles aanmekaar sit

is god

hands on skepper god
of groot gedaante god
groter as ons

of oneindig niks

oral in alles

of heeltemal nêrens

alles gelyk

bewus

of onbewus

maar steeds
soos ons
natuur se kind
wat inloer

of is god bo-natuur
wat uit 'n ander kamer
die univers bestuur

op die ou end
drie opsies in een

god is
met ons

bo ons

of god
is natuur

of is god
die tuinier
in die tuin
van lewe en dood

lewe kom
en lewe gaan
vir altyd aan

of het altyd ook 'n sperdatum

het elke dag sy gister gehad

as jy soek vir die begin
gaan jy die oneindigheid in

wat is ons anders as plante
once removed
in 'n moerse tuin

wat

leef
en
sterf

sal die tuinier verhartseer
as hy 'n plant verloor
dog onnodig om te treur daaroor
liewer blydskap
dooie plant is mos kos
kompos vir

die ewige lewe
elke dag nuutgebore
uit die ewige dood

die koste verbonde
die ingangsfooi
tot bestaan
is bloot
teenwoordigheid

en dit is goed